03/04/19
O equipo de ReTnova, estivo a comezos desta semana co alumnado do IES Marqués de Sargadelos e do IES Vilar Ponte coas actividades do programa CATUXA. (Ver arriba vídeo dunha das actividades).
Este programa, de sensibilización sobre a violencia de xénero e a igualdade entre mulleres e homes, promovido pola Mancomunidade da Mariña Lucense, levou ata o IES Marqués de Sargadelos un Taller afectivo-sexual, no cal os alumnos e alumnas de 3º da ESO do concello de Cervo, analizaron os diferentes mitos sobre a sexualidade e as prácticas sexuais.
Ademais, levouse a cabo tamén o taller “Intelixencia emocional, social e habilidades persoais” no mesmo centro co grupo de 4º da ESO e no IES Vilar Ponte do concello de Viveiro, cun novo grupo de 3º da ESO.
Destacar que, durante esta actividade, o alumnado fixo fincapé na importancia de afondar nesta temática para traballar nas súas fortalezas e debilidades.
Agradecemos profundamente a moi boa acollida e apoio en ambos os dous centros e de forma especial ao alumnado pola súa participación e os seus testemuños.
A semana que ven continuaremos coa nosa andaina do programa CATUXA!
Pódese seguir a actualidade do Programa CATUXA en Instagram e en Facebook, cuxo perfil é @programacatuxa.
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021