Os IES do Concello de Burela acollen ao programa CATUXA

O equipo de ReTnova estivo ao longo desta semana no IES Monte Castelo, co alumnado de 4º da ESO e PMAR, e no IES Perdouro, co alumnado de 3º da ESO, para levar a cabo a actividade do Programa CATUXA “Intelixencia emocional, social e habilidades persoais.

Coa realización dun total de cinco sesións deste taller nos dous centros educativos públicos do Concello de Burela, o programa CATUXA, de sensibilización sobre a violencia de xénero e a igualdade entre mulleres e homes promovido pola Mancomunidade da Mariña Lucense, chegou esta semana a máis de 100 mozos e mozas de entre 14 e 16 anos.

Tanto o alumnado como o profesorado de ambos centros, valoraron positivamente e demandaron de maneira aberta mais recursos deste tipo para o coñecemento e mellora da xestión das súas emocións.

A sensación logo desta actividade foi de satisfacción pola gran resposta do alumnado e o interese mostrado.

Pódese seguir a actualidade do Programa CATUXA en Instagram e en Facebook, cuxo perfil é @programacatuxa.