A Estrada contra as Violencias Dixitais

Retnova comezou a colaboración co CIM da Estrada cun proxecto financiado a cargo dos créditos recibidos do Ministerio de Igualdade, Secretaría de Igualdade e contra a Violencia de Xénero.  

O dito proxecto inclúe varias accións, entre as que se atopa a realización de talleres para todo o alumnado de 2º da E.S.O dos Centros Educativos do Concello. Este martes comezamos no IES Antón Losada Diéguez e no  IES Nº1 da Estrada con esta actividade, na que se favorece un espazo de aprendizaxe interactivo e vivencial onde reflexionar sobre o uso responsable das redes, a sobreexposición e as formas de violencia exercidas a través dos medios dixitais.

O alumnado foi quen de recoñecer e establecer límites nas relacións de parella e identificar os sinais de alarma dunha relación desigual e con maltrato. Resulta moi interesante ver como a rapazada está adoptando novos termos como “red flag”, que lles axudan a nomear e reflexionar sobre as actitudes e comportamentos que non se deben aceptar.

Seguimos pola Estrada...