Abordaxe da violencia de xénero dende o ámbito educativo

Recentemente demos comezo  ao primeiro curso en liña deste ano 2023: “Abordaxe da violencia de xénero dende o ámbito educativo”.

O obxectivo desta acción formativa é formar as e os profesionais do ensino para favorecer unha mellora do seu labor educativo, en clave de igualdade de xénero, como medio de prevención eficaz da violencia exercida contra as mulleres.

A través deste curso o profesorado adquirirá ferramentas para traballar na prevención da violencia de xénero e estratexias coeducativas para previr a desigualdade.

Esta actividade está inserida no marco das accións formativas da Plataforma de Teleformación de Galicia (PLATEGA) da Consellería de Cultura, Educación, Formación Profesional e Universidades, en colaboración coa Secretaría Xeral da Igualdade (da Consellería de Promoción do Emprego e Igualdade da Xunta de Galicia).