Burela en busca dunha mellor resposta ante á violencia de xénero

O equipo de RETNOVA acaba de asistir á terceira xuntanza de traballo da Mesa Local de Coordinación Interinstitucional contra a Violencia de Xénero, prestando asesoramento técnico para o seu cometido.

Un dos puntos prioritarios que se trataron foi a redacción dun protocolo de actuación e coordinación contra a violencia de xénero, no que se atopan traballando as organizacións, institucións e departamentos que forman parte da Mesa.

En relación con este protocolo, un dos asuntos que máis preocupan é abordar a peculiaridade do contexto burelés: un Concello rural de 9.428 habitantes (segundo datos do INE 2021), que concentra a día de hoxe ata 40 nacionalidades diferentes.

Encantadas de acompañar ao Concello de Burela para facer realidade o seu compromiso  cunha sociedade igualitaria e libre de violencias.

Grazas a todas as entidades/persoas que estiveron presentes e ao concello por seguir confiando en RETNOVA.