Ciencia en feminino: celebrando o 11 de febreiro

Como cada 11 de febreiro, unímonos á conmeración do Día Internacional da Muller e a Nena na Ciencia, unha data proclamada pola Asemblea Xeral das Nacións Unidas en 2015. O seu obxectivo é recoñecer o papel fundamental que desempeñan as mulleres e as nenas na ciencia, a tecnoloxía, a enxeñaría e as matemáticas (STEM), e fomentar a súa participación plena e equitativa nestes campos.

Ao longo da historia, moitas científicas realizaron contribucións extraordinarias, aínda que os seus logros non sempre recibiron o recoñecemento merecido. Figuras como Marie Curie, Rosalind Franklin, Ada Lovelace e Katherine Johnson abriron o camiño, pero aínda persisten barreiras que limitan o acceso e a permanencia das mulleres en carreiras científicas.

En Retnova creemos firmemente que a diversidade enriquece a investigación e aporta novas perspectivas, por iso traballamos en diferentes proxectos co obxectivo de visibilizar os desafíos existentes e reflexionar sobre a necesidade de eliminar estereotipos de xénero, crear espazos máis inclusivos e ofrecer referentes positivos que inspiren ás novas xeracións de nenas. Nos últimos meses, por exemplo, colaboramos co Centro de Investigación e Tecnoloxía Matemática de Galicia (CITMAga) para incidir na importancia de integrar o enfoque de xénero tanto na organización como en todas as etapas de desenvolvemento dos seus proxectos, traballamos con alumnado de centros educativos e con persoal da administración pública na ruptura de esterotipos de xénero etc.

Este 11 de febreiro, celebremos os logros acadados e renovemos o compromiso de construír un futuro onde a ciencia sexa un espazo para todas e todos.

Inspiremos, apoiemos e construamos un mundo máis inclusivo na ciencia!