Comezamos setembro con máis formación en liña!

Conscientes das necesidades de formación continua das empregadas e empregados públicos da nosa Comunidade Autónoma, a Escola Galega de Administración Pública encomendounos unha vez máis a titorización dos cursos “Formación básica para a sensibilización e prevención da violencia de xénero” (do que se realizarán  varias edicións neste semestre), e “Acompañamento social e apoio as mulleres que sofren violencia de xénero”. Ademais, proximamente daremos comezo ao curso  “Ciberviolencias sexistas. Novos espazos para a violencia de xénero”.

O impulso da formación en materia de igualdade e prevención da violencia de xénero constitúe unha das liñas estratéxicas do Plan de Formación da EGAP-2023. Desta maneira, contribúese a que a Administración Pública de Galicia sexa parte activa no avance pola erradicación da violencia de xénero e a consecución dunha igualdade real e efectiva entre mulleres e homes.

Agradecemos unha vez máis a confianza da EGAP no noso equipo e, por suposto, a todo o alumnado matriculado nos cursos mencionados; protagonistas indiscutibles deste necesario cambio social.

Grazas!