Concurso "TIKTOK POLA IGUALDADE"

En RETNOVA seguimos traballando en favor da igualdade. Levamos varias semanas cun novo proxecto orientado á promoción da igualdade de xénero e á prevención da violencia de xénero. Trátase do concurso TIKTOK POLA IGUALDADE impulsado dende a Concellería de igualdade do Concello de Pontevedra.

O concurso, dirixido ao alumnado de 3º e 4º da ESO dos centros educativos do concello, ten por obxectivo potenciar a reflexión e a concienciación entre as e os adolescentes en materia de igualdade entre mulleres e homes e violencias machistas, á vez que se estimula a súa capacidade creativa.

A mocidade interesada en participar pode consultar ás bases completas do concurso na páxina web municipal e enviar o seu vídeo antes do 20 de abril.

Seguiremos nestes días informando sobre os avances deste proxecto a través do perfil de Tiktok do concurso @igualdade.pontevedra.

Moitas grazas ao Concello de Pontevedra por esta oportunidade!