Conmemoramos o 8 de marzo

Hoxe conmemoramos o Día Internacional da Muller e, como cada ano, en RETNOVA non queremos deixar pasar a oportunidade de reafirmar o noso compromiso coa igualdade real de oportunidades, de trato e de recoñecemento entre mulleres e homes.

Traballamos día a día co obxectivo de eliminar as barreiras, discriminacións e a violencia contra as mulleres, e promover o seu apoderamento e autonomía en todos os ámbitos.

Proba disto son os múltiples proxectos que vimos desenvolvendo no último ano: talleres en centros educativos e con poboación adulta, apoio técnico para o desenvolvemento de Mesas Locais de Coordinación Interinstitucional contra a Violencia de Xénero, actividades formativas, plans de igualdade en entidades públicas e privadas, dinamización de stands informativos, campañas de sensibilización, xornadas, materiais enfocados á prevención da violencia de xénero e á promoción da igualdade (guías, protocolos, informes...), accións de sensibilización e apoderamento...

Así mesmo, como empresa consultora especializada en xénero asumimos a responsabilidade de introducir a perspectiva de xénero en todos os nosos proxectos de investigación, formación, planificación estratéxica e avaliación de políticas públicas etc.

Seguimos traballando día a día para acadar unha sociedade xusta, libre de violencias, inclusiva e igualitaria.