USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Pode obter máis información na nosa Política de Cookies.

ACEPTAR
descripcion de imagen

Contribuíndo ao talento feminino

25/04/24

Hoxe, 25 de abril, celébrase o Día internacional das nenas nas TIC.

O tema central deste ano é o “liderado” co fin de subliñar a necesidade crítica de modelos femininos sólidos nas carreiras de ciencia, tecnoloxía, enxeñería e matemáticas (STEM).

Segundo a UIT (organismo especializado das Nacións Unidas para TIC) aínda que as mulleres están presentes actualmente no 40 % das ocupacións máis cualificadas en todo o mundo, a súa participación en campos relacionados coas TIC segue sendo baixa.

Este escaso nivel de presenza feminina está relacionado cos estereotipos de xénero que marcan e condicionan a elección dos estudos de nenas e nenos e, polo tanto, o seu futuro.

Por iso, en Retnova, traballamos día a día co obxectivo de superar estes condicionantes de xénero a través de diferentes accións in(formativas) dirixidas a toda a comunidade educativa (profesorado, familias e alumnado). Buscamos así favorecer a igualdade e o apoderamento das nenas, presentándolles modelos de referencia que estimulen o seu interese polas STEM e incentiven a súa participación nestas áreas.

Ademais, tamén apostamos polo aproveitamento do talento feminino nos estudos, plans, estratexias e informes que realizamos co obxectivo de mellorar a posición das mulleres no eido científico e tecnolóxico e visibilizando o seu potencial; mostra disto é o VIII Plan estratéxico de Galicia para a igualdade de oportunidades entre mulleres e homes 2022-2027 para o que Retnova prestou asistencia técnica. Este plan inclúe un ámbito específico de actuación dedicado ás mulleres na ciencia e na investigación.

Continuamos co noso firme compromiso de traballo nesta liña para reducir as fendas de xénero neste eido.

Por un futuro máis equitativo nas STEM!

 

Compartir en

Volver
ReTnova

C/República Checa nº40, Polígono de Costa Vella, 15.707, Santiago de Compostela, A Coruña

www.retnova.com · · 604 078 903·609 848 602