14/12/21
Como anunciabamos hai uns días, RETNOVA estivo impartindo un curso sobre perspectiva de xénero na formación marítimo pesqueira dirixido ao profesorado de Formación profesional para o emprego e profesorado de formación profesional que imparte formación relacionada con este sector.
Puxemos fin á dita formación, na que traballamos os conceptos básicos sobre igualdade e transversalidade de xénero e profundamos en prácticas co-educativas e de utilidade para o persoal docente. Desta maneira, contribuímos a que os ambientes laborais náutico-pesqueiros sexan espazos máis igualitarios e libres de violencia contra as mulleres.
O equipo de RETNOVA quere agradecer e destacar o interese que todo o alumnado mostrou ao longo do curso. A súa motivación e capacidade crítica posibilitou que se levaran a cabo debates moi enriquecedores.
Moitas grazas de novo á Consellería do Mar e ao Instituto Politécnico Marítimo Pesqueiro do Atlántico de Vigo por confiar no noso equipo.
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021