Formar para transformar

Recentemente demos comezo aos cursos en liña dirixidos ao persoal da administración pública: A integración da perspectiva de xénero na práctica administrativa: nivel medio e Formación básica para a sensibilización e prevención da violencia de xénero.

Ambos forman parte do Plan de formación impulsado pola Escola Galega de Administración Pública para o ano 2025. Dende RETNOVA ofrecémoslle ao alumnado un acompañamento formativo integral, baseado na nosa ampla experiencia na elaboración de contidos, titorización e dinamización de accións formativas.

Estamos convencidas de que a través de formacións como estas, contribuímos a impulsar un cambio institucional e a construír administracións máis xustas, eficaces e conscientes da súa responsabilidade na construción dunha sociedade inclusiva, igualitaria e diversa.

A formación é un dos servizos que ofrecemos dentro das liñas de actividade de RETNOVA. A nosa intervención non se limita só á elaboración de contidos e a un seguimento técnico, senón que aposta por un acompañamento activo que promove a participación, resolve dúbidas e facilita a comprensión dos contidos desde unha perspectiva práctica.

Ademais da perspectiva de xénero e da prevención das violencias machistas, cuxas accións formativas acabamos de retomar, abarcamos outras áreas como a educación emocional, a atención á diversidade, a accesibilidade e inclusión das persoas con discapacidade, a coeducación ou o benestar laboral, entre outras.

Seguimos no camiño cara a unha transformación real desde a formación e o acompañamento. Próximamente comezaremos novos cursos!