Novas accións da campaña Compigual

No día de onte o equipo de RETNOVA xunto coa Concelleira de Igualdade do Concello de Santiago de Compostela, Mercedes Rosón, presentou en rolda de prensa dúas novas accións no marco da campaña COMPigual. Estas accións son: a Guía dixital de recursos didácticos para a igualdade: receitas coeducativas e o xogo virtual A-BANEANDO as violencias machistas.

A Guía dixital é unha ferramenta orientada ao profesorado de educación infantil, primaria, secundaria e formación profesional con ideas, suxestións e técnicas que permiten a sensibilización, a reflexión e a promoción da igualdade de oportunidades na educación.

O xogo virtual está orientado ao alumnado da E.S.O, Bacharelato e de Formación Profesional e ten por obxectivo aprender a identificar as formas de violencias machistas producidas en diferentes contextos.

Ademais, vai acompañado dunha breve guía explicativa.

Continuamos traballando en COMPigual co firme convencemento de que o sistema educativo é o recurso de socialización con maior viabilidade para materializar e garantir unha educación inclusiva e equitativa.

 Moitas grazas!