USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Pode obter máis información na nosa Política de Cookies.

ACEPTAR
descripcion de imagen

Novo programa de coeducación para a prevención das violencias machistas

13/09/19

Dende ReTnova temos o pracer de presentarvos o programa “Boiro Co-educa: Igualdade contra as Violencias Machistas”, unha nova aposta do Concello de Boiro para a promoción da igualdade entre mulleres e homes e a prevención da violencia contra as mulleres e as nenas.

O dito programa, aprobado recentemente, enmárcase nas medidas e accións destinadas a erradicación das violencias de xénero e a promoción de relacións igualitarias, de acordo co establecido no Pacto Contra a violencia de xénero para a actuación coa poboación infantil.

“Boiro Co-educa” busca, neste sentido, intervir nos últimos cursos de educación primaria a través dun traballo simultáneo co profesorado e o alumnado no que se fomente tanto a incorporación dun enfoque co-educativo transversal nas prácticas docentes como o desenvolvemento de relacións igualitarias e non violentas entre a rapazada. O programa contempla, tamén, o acompañamento das familias a través de actividades puntuais.

Co fin de acadar estes obxectivos, ReTnova desenvolverá proximamente diferentes actuacións de formación e prevención nos centros de educación primaria do Concello de Boiro, as cales comezarán nas próximas semanas e se estenderán ata o mes de novembro.

Moi agradecidas ao Concello de Boiro pola iniciativa e pola confianza depositada no Equipo de ReTnova.

Compartir en

Volver
ReTnova

C/República Checa nº40, Polígono de Costa Vella, 15.707, Santiago de Compostela, A Coruña

www.retnova.com · · 604 078 903·609 848 602