15/12/21
Eliminar as fendas de xénero existentes nos lugares de traballo non só é importante nas empresas privadas, tamén nas organizacións públicas. En RETNOVA vimos traballando nos últimos meses, a través da elaboración de plans de igualdade, para acadar este propósito en varias entidades do sector público que confían no noso labor e experiencia.
Coa implantación de plans de igualdade, as administracións e organismos públicos materializan o seu compromiso coa erradicación de calquera tipo de discriminación por razón de sexo e a corrección de desequilibrios que poidan existir no seo da súa organización. Isto contribúe ao benestar das persoas traballadoras e redunda no conxunto da sociedade.
Agradecemos a todas as entidades públicas que confían en RETNOVA! Estamos encantadas de seguir contribuíndo á consecución da igualdade de trato, de recoñecemento e de oportunidades entre mulleres e homes!
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021