Recta final de “Tomamos parte”

O equipo de RETNOVA  está levando a cabo dende o mes de maio “Tomamos Parte. Mulleres en acción de Teo”, unha actividade que combina o empoderamento e desenvolvemento persoal coa creación dunha acción de sensibilización en igualdade.

Xa estamos na recta final e as participantes, despois de varias sesións nas que traballamos sobre o empoderamento, a autoestima, a sororidade e as desigualdades de xénero, están deseñando unha acción conxunta seleccionada en grupo para fomentar a igualdade entre mulleres e homes entre a poboación de Teo.

Seguimos acompañando na creación da proposta e apoiando ás mulleres participantes no proceso de facerse oír. Estamos seguras de que será unha acción rompedora con impacto na veciñanza teense.

Agradecemos a oportunidades que nos da o Concello de Teo de levar a cabo esta actividade e, por suposto, a implicación e compromiso das mulleres.