21/12/21
Como xa anunciamos, nestes dous últimos meses, estivemos traballando en varios centros educativos composteláns no marco da campaña COMPigual: Compostela pola Igualdade de xénero.
Os talleres levados a cabo nestes centros permitíronnos sensibilizar, informar e formar ao alumnado (a tamén ao profesorado presente nos ditos talleres) en materia de igualdade e na importancia da prevención da violencia de xénero.
Estamos moi contentas co resultado acadado e, sobre todo, moi agradecidas polo boa acollida que está tendo este proxecto nos centros educativos.
Concretamente, os centros educativos nos que realizamos talleres presencias este ano foron: CEIP de Roxos , IES Pontepedriña , CPR Vilas Alborada , CEIP Lamas de Abade , CPR Plurilingüe a Milagrosa , CEIP Monte dos Postes eo CEIP de Vite .
Volveremos no 2022 para seguir favorecendo una adquisición de coñecementos eo fomento de actitudes y comportamentos conducentes á igualdade na comunidade educativa.
Esta iniciativa, impulsada dende a Concellaría de Políticas de Igualdade do Concello de Santiago de Compostela , forma parte da Estratexia de Desenvolvemento Urbano Sostible Integrado do Concello de Santiago (EDUSI Santiago) cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021