header-cookies1 header-cookies2

Novas

Algoritmos para romper desigualdades

Algoritmos para romper desigualdades

15/02/2021 18:03

Tal e como avanzamos hai uns días, ReTnova colaborou co Concello de Ferrol na conmemoración do Día Internacional da Muller e da Nena na Ciencia. Esta colaboración materializouse na organización dunha xornada telemática co obxectivo de visibilizar a achega das mulleres no avance e progreso científico e de presentar modelos de referencia que estimulen o interese das nenas e das mulleres polas STEM.

Nesta xornada, que levou por título “Algoritmos para romper desigualdades”, participaron catro mulleres galegas científicas de referencia, que amosaron a súa traxectoria a través do relato das súas propias experiencias en diferentes ámbitos do eido científico: Ana Cebreiro (doutora en Economía, responsable de Tributación Internacional no Banco Mundial e académica correspondente na Real Academia Galega de Ciencias), María José Abad (doutora en Física, titular de universidade no departamento de Física e Ciencias da Terra e subdirectora da Oficina para a Igualdade de Xénero da UDC), Elena Vázquez (doutora en Ciencias Matemáticas, profesora de Matemática Aplicada e decana da Facultade de Matemáticas da USC) e Rebeca Atencia (doutora en Medicina–Fisioloxía e directora do Instituto Jane Goodall Congo e do Centro de Rehabilitación de Chimpancés do IJG en Tchimpounga, Congo).

Ademais, na xornada tamén contamos coa participación do Alcalde do Concello de Ferrol, Ángel Mato, quen abriu e deu a benvida á xornada e da Concelleira delegada da Área de Muller, Igualdade, Xuventude, Minorías Étnicas e Normalización Lingüística, Cristina Prados, encargada da súa clausura.

Para ReTnova foi un pracer formar parte desta iniciativa e agradecemos ao Concello a confianza depositada no noso equipo!

Compartir en

← Atrás