header-cookies1 header-cookies2

Novas

Día Internacional de la Mujer y de la Niña en la Ciencia

Día Internacional da Muller e da Nena na Ciencia

11/02/2021 13:51

Hoxe, 11 de febreiro, celébrase o Día Internacional da Muller e da Nena na Ciencia. A UNESCO estableceu este día para recoñecer o rol que xogan as mulleres e as nenas na ciencia e na tecnoloxía.

Na actualidade, menos do 30% das persoas que se dedican á investigación científica son mulleres. Este dato pon de manifesto que son moitas as que seguen atopando obstáculos neste eido.

O equipo de ReTnova súmase a esta conmemoración co fin de acadar unha participación equitativa na ciencia para as mulleres e as nenas, favorecendo así a igualdade e o seu empoderamento.

Neste sentido, hoxe colaboramos na organización da Xornada “Algoritmos para romper desigualdades”, impulsada  polo Concello de Ferrol a través da plataforma ZOOM e na que participarán doutoras en Economía, Física, Matemáticas e Medicina. Con esta iniciativa, o Concello de Ferrol súmase á reivindicación da importancia do papel das mulleres e das nenas na ciencia.

Aínda estás a tempo de inscribirte na xornada que comeza ás 16:00h na seguinte ligazón: https://bit.ly/3riMjxb

Grazas!

Compartir en

← Atrás