Finalizamos a formación presencial en Santos Cocina y Baño, S.L

Onte finalizaba a formación presencial en materia de igualdade de xénero encomendada pola empresa Santos Cocina y Baño, S.L que anunciamos a finais de novembro.

Esta formación, iniciada coa pretensión de integrar ao cadro de persoal no proceso de elaboración do plan de igualdade da empresa, permitiu achegar a todas as persoas participantes conceptos básicos en materia de igualdade de xénero.

A combinación de contidos teóricos con debates e dinámicas prácticas e a participación activa do persoal, facilitaron a apertura dun espazo de reflexión no cal se compartiron opinións e vivencias sobre como a perpetuación dos roles e estereotipos de xénero derivan nunha situación de discriminación entre mulleres e homes. Con todo, púxose en valor o compromiso na erradicación destas desigualdades dende todas as esferas da vida e máis especificamente dende o ámbito laboral, tendo un papel moi importante o sector empresarial.

Felicitamos á empresa SANTOS polo seu compromiso coa igualdade de xénero e a súa aposta por formar a todo o persoal nesta materia. Así mesmo, novamente agradecemos que confiaran no servizo de formación ofrecido por ReTnova.