16/11/20
Puxemos fin aos talleres “as mulleres falamos e actuamos” de empoderamento e prevención da violencia de xénero a través da acción colectiva que viñamos desenvolvendo no Concello de Vilalba estas últimas semanas.
Retomando a sesión anterior, nesta última demos forma á campaña de sensibilización contra a violencia de xénero que as mulleres idearon conxuntamente. Foi a través da participación activa e o intercambio de ideas entre as mulleres, como xurdiu esta acción de sensibilización dirixida á poboación vilalbesa que sairá á luz nos próximos días, con motivo do 25 de novembro.
O obxectivo desta actividade foi facilitar o traballo grupal creativo das mulleres, converténdoas nas protagonistas encargadas de desenvolver actuacións de impacto para erradicar e previr a violencia de xénero en Vilalba.
Esta acción desenvólvese marco do “Programa de sensibilización, información e difusión sobre igualdade e prevención da violencia contra as mulleres”, da convocatoria de subvencións da Secretaría Xeral da Igualdade (Xunta de Galicia) ás entidades locais da Comunidade Autónoma de Galicia para a promoción da igualdade.
Dende ReTnova agradecemos novamente ao Concello de Vilalba a confianza depositada no noso equipo para o desenvolvemento desta actuación!
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021